Kvinpetalo

[1] Dum tiu ĉi semajnofino estos interŝanĝitaj spertoj pri regiona agado (kursoj, budoj, organizado de publikaj eventoj), kaj pridiskutitaj perspektivoj por plifortigi ĉi tiujn aktivaĵojn per interhelpo inter diverslokaj aktivuloj. La celo estas prioritate plifortigi esperanto-movadon en Piktavio, sed spertoj el aliaj regionoj ankaŭ estos bonvenaj.

[2] La celo : igi ĉiujn volontulojn kapablaj gvidi ekskurson klare kaj agrable. Mia rolo : konsili ilin pri la rolo de gvidant(in)o aŭ ĉiĉeron(in)o. La partoprenantoj ampleksigos la prezentadon : ili kunportos turisma(j)n dokumento(j)n aŭ foto(j)n rilate regionon, urbon aŭ monumenton. Ĉiuj provos trovi la ĝustan manieron prezenti ĝin (ilin), per la plej trafaj vortoj (t.e. ni esploros la vortaron). Ni amuziĝos (espereble) inter historio, arkitekturo, anekdotoj, priskribante, rakontante eĉ tradukante se bezonate.... Surloke, ni provos dum ekskurso finkonkretigi tiun kurson sen forgesi ke "Eksurso ne estas Kurso" : tio devus esti regulo por ĉiu gvidant(in)o !

[3] Claude Gerlat estas aŭtoro de Petite Grammaire d’Espéranto, tradukinto de diversaj noveloj kaj verkisto de mallongaj rakontoj. La kurso entenos ankaŭ gramatikaĵojn, eble debatetojn pri literaturo... laŭ la cirkonstancoj kaj emoj de la partoprenantoj

[4] Dum tiu ĉi staĝo esperanto estos praktikata pere de muziko : libera aŭ plurvoĉa kantado, orkestra muziko, kaj diskutoj pri la kreokunteksto de la prilaborataj verkoj, paralele kun unuagrada kurso por komencantoj. La staĝo finiĝos per koncerto, por kiu memordisko estos produktita. Dum la staĝo okazos ankaŭ escepta koncerto de Kajto, la 13an de aŭgusto, por festi la 25an jubileon de SYM (asocio mastrumanta Kvinpetalon).

[5] Anne Jausions estas diplomita pri Interlingvistikaj Studoj ĉe Universitato Adam Mickiewicz, en Poznan. Ŝi proponas al vi promenadon tra la originala Esperanto-literaturo : « Mi parolos pri kelkaj klasikuloj, kaj pri nuntempuloj, kiujn mi ŝatas. Vi ricevos eltiraĵojn el romanoj, noveloj kaj poeziaĵoj (ne temos pri teatraĵoj). Temos ĉefe pri eŭropaj verkistoj, kaj mi diros nur kelkajn vortojn pri azianoj. » Partoprenontoj, kiuj havas emon pri tio, estas invitataj fari kelkminutan intervenon por prezenti libron, kiun ili ŝatas. La kurso estos okazo por viziti la riĉan bibliotekon de Kvinpetalo, kaj trafoliumi diversajn librojn.